Magiging ayos din ang lahat!

Minsan nasasabi nating dapat ng ihinto itong kalokohan na ito. dapat ko ng kalimutan ang lahat ng mga nagdaan na nagiging dahilan upang magapos ako sa damdaming dapat ay matagal ng nagpalaya sakin. Pero kahit na anong pagtatanggi natin sa ating mga sarili'y patuloy parin itong nanunuot sa ating mga puso, patuloy parin itong nagbibigay dahilan upang muli nating maalala ang lahat ng masasayang oras na kasama mo siya. Siya na minsan pa'y naging mundo mo, na minsan pa'y naging buhay mo. Minsan magagawi ka sa mga lugar na punong puno ng alaala, masasabi mo nalang na.... sayang... Minsan sa paglalakad mo'y maririnig mo ang paborito niyong awitin, mga matatamis na awitin noon na ngayo'y pait na ang dulot at sakit na ang hatid sayong puso. Sa paggising mo sa umaga'y, nasanay ka na na may mga text messages siya sayo, mga morning greetings, agad mong hahanapin ang cellphone mo at maaalalang wala ng ganun at di na mangyayari yon. Mangigiti ka nalang at maya maya'y muling maluluha, mga alaalang palaging nariyan, pilit na sumisiksik sating isipan, na nagpapahirap satin, ngunit palagi nating tatandaan na lahat ng bagay ay lumilipas. Mawawala din ang sakit sa paglipas ng mga panahon, hihilom din ang sugat sating mga puso, muling mababakas ang ngiti sa ating mga labi.

-- Jay el

Walang Makahahadlang...

Habang naghahanap ako ng isang palabas na aking panonoorin ngayong 

araw na ito, humantong ako sa pamagat ng litratong ito at napagisipan kong 

idownload at panoorin, kakaibang pakiramdam ang aking naramdaman ng 

aking pinapanood ito, sapagka't isa ito sa mga pilikulang nagpaluha sakin. 

kung bakit? 

ito'y dahil narin sa pag-ibig na handang ipakita't iparamdam sa gitna man 

ng apo'y ng isang relasyon. 

Sa mga di pa napanood ito, panoorin niyo na sapagka't masasabi 

kong napakaganda ng pilikulang ito... :)

Mapapanood ang buong palabas dito:

Enjoy :) 

Sino Ang Pipiliin Mo?

MAHAL MO na di ka naman MAHAL o MAHAL KA pero di mo naman MAHAL?

Bata palang ako narinig ko na yang tanong na yan at masasabi ko
sa sarili ko na napakahirap talagang sagutin ang tanong na yan,
pero may mga taong napakadali para sa kanila ang sagutin yan kahit
kagigising lang at tanungin mo niyan eh masasagot kaagad nila ng
walang pagdadalawang isip. Marahil eh alam na nga nila ang sagot
dahil naranasan na nila o kung hindi man, may mga kilala silang
napagdaanan na ang kasagutan sa tanong na yan at yun na ang ginawa
nilang pamantayan pag dating sa pag-ibig. Sa ngayon nais kong maka
tulong sa mga taong hirap parin sa pagsagot sa katanungang iyan.

Maaring ang iba'y nagtatanong sino ka ba at madali para sayong sagutin
ang bagay na yan?, sino ka ba para itimo sa isipan namin ang mga bagay
na tulad niyan?... ang sagot ko,... isa lamang akong umibig, at napag
daanan ang saya at sakit na dulot ng pagmamahal, kung kaya't nais kong
maging praktikal ang mga taong nakakabasa sa blog kong ito, sana nga
kung di man nila maisip ang tama para sa kanilang mga sarili, eh ako
na mismo ang sumagot ng mga iyon.

Balik tayo sa tema at paksa:

Sino Ang Pipiliin Mo? MAHAL MO na di ka naman MAHAL
o MAHAL KA pero di mo naman MAHAL?

Para sa mga taong naghahangad ng pagbabago eh masasabi kong piliin nila
ang pangalawa, yun ay ang MAHAL KA pero di mo naman MAHAL. bakit? dahil
narin sa kanilang sariling pangangailangan bilang tao, simula palang ng
nabuhay tayo at unang nasilayan ang liwanag ng sanlibutan, naramdaman na
natin ang pagmamahal na galing sa ating mga magulang, basic needs kung
baga at bilang isang tao, mahirap talaga mabuhay ng walang nagmamahal,
dahil iba ang pakiramdam ng nagiisa, walang karamay at walang umuunawa
nandyan at pagkapoot, ang kirot at kadalasa'y nagdudulot ng iba't ibang
karamdaman lalo na sa pag-iisip. Pagmamahal, yan ang kailangan ng tao at
kung wala yan, mahirap mabuhay... bakit?, dahil tulad ng pagkain, tubig
at hangin. Ang pag-ibig ay may kakayahang makagawa ng mga bagay na sa
isip natin ay pawang imposible pero nakakaya natin dahil sa pag-ibig.

Isa pang halimbawa kung bakit ikalawa ang dapat piliin ng mga taong nais
ng pagbabago. Yun ay dahil kung may isang taong nagmamahal sayo ng tapat
at handang ibigay o gawin ang lahat para sayo, lalo mong pahahalagahan
ang buhay mo. Bakit? dahil alam natin na ang taong yon ay malulungkot o
magdadalamhati kung may mangyayaring kung ano satin, sa ganung paraan mas
lalo natin masasaisip na tayo'y mahalaga sa mundo at makakapagpasiya tayo
na maging masayang indibiduwal.

Kung pagbabago, ang ikalawa... ngunit dito natin masasabi sating mga sarili
na ang buhay ay walang kasing saya, kung pipiliin natin ang una... Bakit?

Ito ang paliwanag ko sa una, at isa ako sa pumili sa sagot na yan, alam
nating lahat kung ano ang pakiramdam ng nagmamahal diba? at alam natin ang
bawat kilig at ngiti sa tuwing nakikita natin ang ating mga minamahal, ano
pa't naroon din ang sitwasyon na ang taong 'yon ay di ka minamahal, subalit
mula sa kaibuturan ng iyong puso, ang masilayan lamang siya'y katumbas na ng
langit, at ang pakiramdam na yun ay wala ng mas hihigit pa. bakit? langit na
yun eh, may tataas pa ba? hehe... biro lang. ngunit direct to the point ko
sasabihin na ang ikinasasaya ng ating puso'y katumbas narin ng kasiyahan na
ating pakaiingatan habang tayo'y nabubuhay, yung magmahal ka ng hindi mo
minamahal ay napakahirap, Oo, at may magsasabi na "Natuturuan naman ang puso"
subalit hanggang kelan mo tuturuan ang 'yong puso? hanggang kelan ka luluha
dahil sa maling pagpili, hanggang kelan mo babaunin ang panghihinayang?

Hanggang kelan?

Mahalaga ang magmahal ng tama, dahil mahirap na sa bandang huli ikaw din ang
luluha. sa huli't huli, wala ka rin masisisi, wala karin matatakbuhan at
wala karing mapapala. Ang pagiging masaya sa isang simpleng paraan ay isa
naring napakalaking dahilan kung bakit ang pag-ibig ay hindi naglalaho
hindi napaparam at hindi namamatay sa ating mga puso...

--Jay eL